X
تبلیغات
آذربایجان ای سن منه جان من سنه قوربان - تورکو شعر
اورمیه قلب طپنده آذربایجان است

ای آغالار گلین سیزه سویله ییم        اوچ یوز آتمیش پارا کندی اورمونون

هر اؤلکه ده شهرتی وار بحثی وار       گؤزل هنرلری فندی اورمونون

 

بکشلو- برادوست – زیوه ماحالی       نازلی چای – باراندوز – روضه صفالی

شور دنیزی خسته لره شفالی              گزمک اوچون واردی بندی اورمونون

 

چول تره سی اوغلان اوتو قازیاغی       صفالی دیر بوستانچی نین چارداغی

سوت قاتیغی بال خاماسی قایماغی          شهرتی وار بیرده قندی اورمونون

 

سلیمان اورمویا بیر دم قیش گلیر       بیر دم یئللر اسیر قار یاغیش گلیر

باشین قار آلاندا ایلی خوش گلیر       اطرافیندا داغ کمندی اورمونون

                                                               سلیمان هاشم زاده


برچسب‌ها: شعر, اورمو, ارومیه, اورمیه, تورکو شعر, شعر ترکی, شعر آذری, ترکی شعر, سلیمان هاشم زاده
+ نوشته شده در  سه شنبه بیست و هفتم دی 1390ساعت 13:56  توسط آیتام   | 

ســـن یاریمین قاصدی سـن

ایلن ســنه چــــای دئمیشم

خـــیالینی گــــوندریب دیــــر

بسكی من آخ ، وای دئمیشم

آخ گئجه لَـــر یاتمـــــامیشام

مــن سنه لای ، لای دئمیشم

ســـن یاتالــی ، مـن گوزومه

اولـــدوزلاری ســـای دئمیشم

هــر كـــس سنه اولدوز دییه

اوزوم ســــــــــنه آی دئمیشم

سننن ســـورا ، حــــیاته من

شـیرین دئسه ، زای دئمیشم

هــر گوزلدن بیــر گـــول آلیب

ســن گـــوزه له پای دئمیشم

سنین گـــون تــك باتماغیوی

آی بـــاتـــانـــا تــــای دئمیشم

اینــدی یــایــا قــــیش دئییرم 

ســـابق قیشا ، یای دئمیشم

گــاه تــوییوی یاده ســــالیب

من ده لی ، نای نای دئمیشم

ســونــــرا گئنه یاســه باتیب

آغــــلاری های های دئمیشم

عمـــره ســورن من قره گون

آخ دئــمــیشم ، وای دئمیشم


برچسب‌ها: شعر, تورکجه شعر, تورکو شعر, شعر آذری, شعرهای استاد شهریار
+ نوشته شده در  سه شنبه بیست و هفتم دی 1390ساعت 13:30  توسط آیتام   |